Thursday, July 10, 2008

ओळख : स्वाती फडणीस

ओळखलंस का मला?
ओळखलंस का गं!
अग..
मी चिनू..
तुझी लाडकी चिनू!
खूप सतावायचे तुला..
तुझा प्रसादही मला जास्त,
आणि तितकीच मायाही!
आठवतंय तुला..
लपून बसलेले एकदा,
तू शोध शोध शोधलंस..
आणि सापडले तेव्हा!
तेव्हा खरं तर..
तूच सापडलीस मला
आणि आता..
माझ्या समोर आहेस,
तरी..
तुला सापडत नाहीये ना!
नको गं लपूस अशी..
त्या अलझ्मेरीया आड!
ओळख.. आठव..
सांग ना!!
ओळखलंस का मला!



====================
स्वाती फडणीस........... १०-०७-२००८

No comments:

Post a Comment

Thank you for your comments.