Wednesday, August 20, 2014

ज्याला त्याला हवी बायको गोरी

ज्याला त्याला हवी बायको गोरी
काळ्या मुली जातील कुण्या घरी
तो एकेक पाहूणा येतो
फक्त मुलगी पाहुनी घेतो
गुणात कशीही रंगानेच गोरी
काळ्या मुली जातील कुण्या घरी
मुलगा डांबरचा काळा गोळा
गोरया मुलीवर त्याचा डोळा
डांबर ही म्हणे पाहीजे गोरी
काळ्या मुली जातील कुण्या घरी
हा कसा बदलला काळ
ऐकून पोटात होतो जाळ
छान छबेली पाहीजे न्यारी
काळ्या मुली जातील कुण्या घरी
लग्न करतील कुणा संग
कसा आला हा प्रसंग
गळा दोरी घ्या फासावरी
काळ्या मुली जातील कुण्या घरी

No comments:

Post a Comment

Thank you for your comments.